Ҳокимлик жамғармасидан 600 млн сўм ноқонуний сарфлангани маълум бўлди
Бағдод туманида ҳокимлик жамғармасидан 600 миллион сўм ноқонуний сарфлангани аниқланди. Собиқ иқтисодиёт ва молия бўлими раҳбари бу маблағларни шахсий манфаатлар учун фойдаланган. Текширувлар давомида у 380 миллион сўмни нақдлаштириб, 27 минг АҚШ долларини қўлга киритган. Ҳозирда ушбу ҳолат бўйича жиноят иши қўзғатилиб, тергов ҳаракатлари олиб борилмоқда.
Бағдод туманида ҳокимлик жамғармаси маблағларини ноқонуний ўзлаштириш ҳолати фош этилди.
Маълум қилинишича, туман иқтисодиёт ва молия бўлимининг собиқ раҳбари мазкур маблағлардан шахсий манфаатлар йўлида фойдаланган.
Текширувлар давомида у 600 миллион сўмни ободонлаштириш ишлари учун ажратилган маблағ сифатида МЧЖ ҳисоб рақамига ўтказгани аниқланган.
Шундан 380 миллион сўмни нақдлаштириб, кейинчалик ушбу маблағлар орқали 27 минг АҚШ долларини қўлга киритган.
Тергов маълумотларига кўра, у ушбу пулларни ўзлаштириш орқали талон-торож қилган.
Мазкур ҳолат юзасидан Жиноят кодексининг тегишли моддаси асосида жиноят иши қўзғатилиб, ҳозирда тергов ҳаракатлари олиб борилмоқда.
Изоҳлар 0
…