Самарқанд шаҳрида жойлашган ёқилғи қуйиш шохобчаларидадан бирида ёнғин юз берди. Ижтимоий тармоқларда ушбу ҳодисага оид видеолар тез тарқалиб, жамоатчилик эътиборини тортди.
Фавқулодда вазиятлар вазирлиги ушбу ҳолат юзасидан расмий маълумот берди. Маълум қилинишича, ёнғин 5 май куни соат 11:13 да Буюк Ипак йўли кўчасида жойлашган шохобчада содир бўлган.
Ҳодиса ҳақида хабар келиб тушгач, қутқарув хизматлари зудлик билан воқеа жойига йўл олган.
Соат 11:18 да етиб келган 5 та қутқарув бўлинмаси ёнғинни қисқа вақт ичида назоратга олган. Ёнғин соат 11:30 да ўраб олинган ва 11:50 га келиб тўлиқ бартараф этилган.
Расмий маълумотларга кўра, ҳодиса оқибатида жабрланганлар аниқланмаган. Ҳозирда ёнғин сабаблари ва етказилган зарар миқдори ўрганилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
