Қидирувдаги “Malibu 2” дрифт вақтида қўлга тушди
МИБ Жиззах вилояти бошқармаси иш юритувидаги тижорат банки фойдасига 160 миллион сўм кредит қарзини ундириш бўйича қидирувга берилган “Малибу 2” автомобили Арнасой тумани марказида топилди. Автомашина егаси уни хатловдан яшириб келган бўлиб, ҳайдовчи тунда машинада дрифт қилиб танишларига намойиш етаётган вақтида ушланди. Вилоят ЙҲХБ ҳамда Бюро қидирув шўбаси ходимлари ҳамкорлигида мазкур транспорт воситаси жарима майдончасига жойлаштирилди.
МИБ Жиззах вилояти бошқармаси иш юритувида тижорат банки фойдасига 160 миллион сўм кредит қарзини ундириш бўйича ижро ҳужжати мавжуд бўлган.
Гаров сифатида қўйилган “Malibu 2” русумли автомобиль эса қидирувга берилган эди. Маълум қилинишича, автомашина эгаси уни хатловдан яшириб келган.
Қидирув тадбирлари давомида ушбу автомобиль Арнасой тумани марказида аниқланган. Маълум бўлишича, ҳайдовчи тунда машинада дрифт қилиб, уни танишларига намойиш этаётган вақтда ушланган.
Вилоят ЙҲХБ ходимлари ҳамда Бюро қидирув шўъбаси ходимлари ҳамкорлигида автомобиль жарима майдончасига жойлаштирилган.
Эндиликда мазкур транспорт воситаси аукцион орқали сотилиши режалаштирилмоқда. Тушган маблағлар эса кредит қарздорлигини қоплашга йўналтирилади.
Шунингдек, ҳайдовчи аввалдан транспорт бошқариш ҳуқуқидан маҳрум қилингани ҳам маълум бўлди.
Изоҳлар 0
…