Ўзбекистонда жорий этилган жарима баллари тизими доирасида 12 баллдан ошган ҳайдовчилар сони 49 нафарга етди. Маълум қилинишича, ушбу ҳайдовчиларга оид материаллар судга юборилган.
Шу билан бирга, яна 132 нафар ҳайдовчининг жарима баллари 8 тадан ошгани қайд этилган. Эслатиб ўтамиз, мамлакатда жарима баллари тизими 2025 йил 1 июндан бошлаб амалга киритилган.
Унга кўра, қизил чироқда ҳаракатланиш, қарши йўналишга чиқиш, тезликни ошириш ҳамда тўхташ қоидаларини бузиш каби ҳолатлар учун ҳайдовчиларга махсус баллар ёзилади.
Қоидаларга мувофиқ, ҳайдовчи 8 балл тўплаганда унга SMS орқали огоҳлантириш юборилади. Агар жарима баллари 12 тадан ошиб кетса, ҳайдовчилик ҳуқуқи суд қарори билан бекор қилиниши мумкин.
Мутахассислар ҳайдовчиларни йўл ҳаракати қоидаларига қатъий риоя қилишга чақирмоқда.
“Zamin”ни Telegram'да ўқинг!
