Яшнободда 31 ўрам гиёҳвандлик моддаси билан гумонланувчи ушланди
Тошкент шаҳрининг Яшнобод туманида гиёҳвандлик моддаларини яширин жойларга қолдириб тарқатиш билан шуғулланган гумонланувчи қўлга олинди. Қўриқлаш департаменти ходимлари шубҳали ҳаракатланган эркакни текширмоқчи бўлганида, у қочишга уриниб, қаршилик кўрсатган. Маҳалла ичидаги берк кўчада тўхтатилиб, шахсий тинтув қилинганда ундан 31 та ўрам гиёҳвандлик моддаси топилди. Ҳозирги вақтда ушбу ҳолат юзасидан тергов ҳаракатлари олиб борилмоқда.
Тошкентнинг Яшнобод туманида гиёҳвандлик моддаларини яширин жойларга қолдириш билан шуғулланганликда гумон қилинган фуқаро ушланди.
Қўриқлаш департаменти ходимлари маҳаллалардан бирида шубҳали ҳаракатланаётган эркакка эътибор қаратган. У яширин жойларни қидираётган ёки янги жой тайёрлаётган бўлиши мумкинлиги тахмин қилинган.
Текширишга уриниш вақтида фуқаро қаршилик кўрсатиб, қочишга ҳаракат қилган. У маҳалла ичига кириб кетган, бироқ уйлар орасидаги берк кўчада ушланган.
Шахсий тинтув пайтида ундан тарқатиш учун тайёрланган 31 та ўрам гиёҳвандлик моддаси топилган. Уларни яширин жойларга қолдириш орқали тарқатиш режалаштирилгани айтилмоқда.
Гумонланувчи ҳибсга олинди. Ҳозирда ҳолат юзасидан тергов ҳаракатлари олиб борилмоқда.
Изоҳлар 0
…