Қайнонасини итариб юборгани учун куёвга 10 сутка қамоқ жазоси берилди

Бухоро вилоятида оилавий келишмовчилик ортидан қайнонаси билан жанжаллашиб қолган куёв 10 суткага маъмурий қамоқ жазосига тортилди.

Аниқланишича, тортишув вақтида эркак қайнонасини итариб юборган. Шундан кейин аёл ҳолат юзасидан судга мурожаат қилган.

Иш судда кўриб чиқилиб, эркакнинг ҳаракатига ҳуқуқий баҳо берилди. Якунда унга 10 сутка маъмурий қамоқ жазоси тайинланди.

Суд жараёнида куёв қилган ишидан пушаймон эканини билдириб, қайнонасидан узр сўраган. У бундай ҳолат бошқа такрорланмаслигини ҳам айтган.