“Бек барака”да киссавурлик қилган қиз фош этилди

Зангиота туманида жорий йилнинг 18 август куни соат 10.00 дан 11.00 гача бўлган вақт оралиғида номаълум шахс, ҳеч ким йўқлигидан фойдаланиб, киссавурлик йўли билан, «Бек-барака» савдо мажмуа ҳудудида жойлашган ош маркази ошхонасида мижозларга хизмат кўрсатаётган вақтида Самарқанд вилоятида яшовчи, 1975 йилда туғилган Дурдона Тойирова (исм-фамилияси ўзгартирилган)га тегишли нархи тахминан 1.500.000 сўм бўлган «САМСУНГ ГЕЛЕКСИ А-7» русумли уяли телефон аппаратини ўғирлаган. Бу ҳақда Тошкент вилояти ИИБ хабар берди.

Олиб борилган тезкор чора-тадбирлар натижасида ушбу жиноятни Бўстонлиқ туманида яшовчи, 1993 йилда туғилган Нафиса Зайниддинова содир этганлиги аниқланиб, ушланди. Ушбу ҳолат юзасидан Ўзбекистон Республикаси Жиноят Кодексининг тегишли моддалари билан билан жиноят иши қўзғатилди. Терговни ИИБ олиб бормокда.