Рамзан Қодиров Бухорода этник чечен аёл билан учрашиб қолди

Чеченистон раҳбари Рамзан Қодиров Бухорога ташрифи чоғида этник чечен бўлган кекса аёл — Бука Умаева билан учрашди, деб ёзади «Uznews.uz».

Қодировнинг «Telegram»даги расмий каналида маълум қилинишича, аёл Ўзбекистонда 50 йиллардан буён яшайди. Тарихий ватанидан геноцид даврларида ҳайдаб чиқарилган.

Рамзан Қодировнинг ташрифи ҳақида хабар топгач, Бука Умаева уни кўриш учун атайлаб етиб келди. Суҳбат чоғида аёл Рамзан Қодиров билан келаси ёзда ҳам учрашиш истагини билдирди.

«У тайёрлигини билдириши билан уни, албатта, Чеченистонга олиб келаман. Ахир биз айнан ота-оналаримиздан, уларнинг иродасидан, ватанига, халқига бўлган меҳридан ҳаётимиз учун қарздормиз», — деб ёзди Чеченистон раҳбари. «Замин»ни Telegram’да ўқинг!