Пойтахтда бензин нархининг ошиши қандай кутиб олинди?

Бугун мамлакатимизда бензин нархлари кескин кўтарилди. Ушбу ҳодисадан олдинроқ хабар топган ҳайдовчилар кеча тунда Тошкент шаҳридаги автомобилларга ёқилғи қуйиш шохобчаларида (АЁҚШ) узун навбатларни юзага келтиргани тўғрисида шов-шувлар тарқалди.
Маълумотларга кўра, Ўзбекистон президенти Шавкат Мирзиёевнинг 14 ноябрдаги 3386-сонли қарори ижросини таъминлаш мақсадида 2017 йил 15 ноябрдан бензин ва дизел ёқилғиси нархи оширилди.

Ўзбекистон Республикаси Вазирлар маҳкамаси қарорига кўра, 15 ноябрдан энг арзон Аи-80 русумидаги бензиннинг 1 литри нархи 3800 сўм, Аи-91 маркадаги бензин нархи эса 4300 сўм бўлади. Шунингдек, 1 литр дизел ёқилғиси 4100 сўм, ЭКО дизел ёқилғиси эса 4200 сўмга чиқди. «Замин»ни Telegram’да ўқинг!