Тошкентда патруль хизмати ходимлари кроссоверларда ҳаракатланади

Ўзбекистон пойтахтида йўл-патруль хизмати ходимлари эндиликда кроссоверларда ҳаракатланади. Бу ҳақда Тошкент шаҳар ИИББ бошлиғи ўринбосари Азизхон Умархонов маълум қилди, дея хабар беради Sputnik.

Полковникнинг сўзларига кўра, Тошкент шаҳридаги йўл-патруль пост хизмати шахсий таркиби йўлтанламаслар билан таъминланади.

«Шаҳар имиджини янада яхшилаш учун босқичма-босқич йўл-патруль пост хизмати ходимларига замонавий жип автомобиллари топширилади. Биринчи босқичда 50 та Chevrolet Tracker топширилиши кўзда тутилган. Автопаркларни янгилаш ишлари йил охиригача якунланади», — аниқлик киритди Умарханов. «Замин»ни Telegram’да ўқинг!