Тошкент денгизида икки кишини отиб қочган шахс қидирилмоқда

Тошкент вилоятининг Ўртачирчиқ туманида 12 июль куни Сурхондарё вилояти Сариосиё туманида яшовчи, «Тошкент денгизи» дам олиш маскани ишчиси А.Р. (1992 йилда туғилган) дам олиш маскан ҳудудида жойлашган автотураргоҳда безорилик қилган.

Оқибатда ёнида бўлган пневматик тўппончадан шу автотураргоҳда ёлланиб ишлаётган М.З. ва Ф.И.га ўқ отиб жароҳат етказган ва воқеа жойидан қочиб кетган. Натижада жароҳат олган икки нафар ишчига тиббий ёрдам кўрсатилган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабарига кўра, А.Р.ни ушлаш чоралари кўрилган. «Замин»ни Telegram’да ўқинг!