10:05 / 31.08.2018
3 226

Шавкат Мирзиёев Шаҳидлар хотираси хиёбонидаги хотирлаш маросимида иштирок этди (фото)

Шавкат Мирзиёев Шаҳидлар хотираси хиёбонидаги хотирлаш маросимида иштирок этди (фото)
31 август - Қатағон қурбонларини ёд этиш куни муносабати билан Шаҳидлар хотираси хиёбонида халқимиз озодлиги йўлида фидо бўлган инсонларни хотирлаш маросими ўтказилди.

Маросимда Ўзбекистон Республикаси президенти Шавкат Мирзиёев иштирок этди, деб хабар бермоқда президент матбуот хизмати.

Қуръон тиловат этилиб, қатағон қурбонлари руҳига дуо қилинди. Элга ош тортилди.

Давлат раҳбари диний уламолар, таълим соҳаси мутасаддилари билан суҳбатда ватанпарвар инсонларни эъзозлаш, ёшларни миллий ғурур руҳида тарбиялаш, уларда буюк боболардек бўлишга интилишни кучайтириш зарурлигини таъкидлади. Бунинг учун Ўзбекистон Ислом академияси, Ислом цивилизацияси маркази ва олий таълим муассасалари имкониятларидан кенг фойдаланиш, таълим дастурларини такомиллаштириш кераклиги қайд этилди.



Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)