Тошкентда яшовчи фуқаро Хоразм шакар заводининг 99,4 фоиз акциялари эгасига айланди

Тошкент шаҳрида яшовчи А.Р.Тошев Хоразм шакар заводининг 99,4 фоиз акциялари эгасига айланди. Бундан Республика фонд биржаси маълумотлари дарак беряпти.

Тошев август ойи охирида 2,84 миллион дона миқдорда жойлаштирилган акцияларни биржада сотиб олган.

Охирги битим пайтида акцияларнинг котировал ва номинал нархи бир дона учун 5000 сўмни ташкил этди, бозордаги капитализация 14,2 млрд сўмга баҳоланди.

Ушбу битим натижасида Тошев 2,83 млн дона акциянинг эгаси ёки компаниянинг устав капиталининг 99,4% эгасига айланди.