Соғломлаштириш марказида носоғлом газ уланмаси аниқланди

Мажбурий ижро бюроси Жиззах вилоят бошқармаси томонидан ҳамкорликда ўтказилган тадбирларнинг бирида, Жиззах шаҳрида жойлашган масъулияти чекланган жамиятга қарашли соғломлоштириш марказида газ тармоғига ўзбошимчалик билан бир дона сўрғич мосламасини ўрнатиб, табиий газдан ноқонуний фойдаланиб келганлиги аниқланган.

Вилоят газ таъминоти корхонасининг 2018 йил 27 сентябрь кунги қайта ҳисоб-китоб маълумотномасига кўра, соғломлаштириш маркази томонидан 31.566.883 сўм зарар етказилган.

Мазкур ҳолат юзасидан МЧЖ раҳбари ўз айбини тан олган ва пушаймон эканлигини билдирган.
Шундан сўнг, соғломлаштириш маркази томонидан етказилган зарар ҳамда қайта уланиш учун энг кам ойлик иш ҳақининг 10 баробари миқдорида тўлов тўлиқ тўлаб берилди.

МЧЖ раҳбари ҳаракатларида Ўзбекистон Республикаси Жиноят кодексининг 1852-моддаси 2-қисмида кўрсатилган жиноят аломатлари мавжуд бўлсада, жиноят аниқланган кундан эътиборан 30 кунлик муддат ичида етказилган моддий зарарнинг ўрни қопланганлиги ва жиноят оқибатларини бартараф этганлиги учун Ўзбекистон Республикаси ЖПКнинг 84-моддаси 1-қисми 8-бандига мувофиқ жиноят иши қўзғатишлик рад этилди.