«Атлетико»ни енгганидан сўнг «Ювентус»нинг акциялари нархи кўтарилиб кетди

«Ювентус» клуби ЕЧЛ 1/8 финал жавоб баҳси доирасида «Атлетико»га қарши кечган ўйинда (3:0) ғалаба қозонди. Бунинг натижасида клубнинг акциялари кўтарилди.

Сешанба куни битта акция баҳоси 1,22 евро эди, чоршанба эрталабдан эса бу 26 фоизга кўтарилди. Куннинг ярмига келиб акция баҳоси бироз тушган ва ҳозирда ўсиш 16 фоизни ташкил қилмоқда.

Эслатиб ўтамиз, «Атлетико»га қарши Мадриддаги ўйиндан сўнг акциялар 10 фоизга тушиб кетганди.