Мансабдор шахсларнинг пора олиши билан боғлиқ жиноятлар ҳамманинг эътиборини тортиши бежиз эмас. Чунки мансабдор шахс бундай қилмиши билан ўзи бошқараётган ҳудуд ёки идорага хиёнат қилган бўлади. Бу ҳақда ЎзА мухбири Норгул Абдураимова фикр юритган.
Давлат раҳбари Конституция кунида мана шундай жиноят содир этган 1177 нафар мансабдор жиноий жавобгарликка тортилганини қайд этган эди.
Аммо айрим коррупция ҳолатлари сир қолаётгани одамларни таажжублантирмоқда.
Масалан, Самарқанд вилояти собиқ ҳокими Туробжон Жўраевнинг «темир сандиғи»дан бир миллион доллар чиққани айтилган эди. Бунинг натижаси ҳамон кўпчиликни қизиқтириб келади. Собиқ ҳоким нима учун жиноятга қўл урган? Шунча пулни қаердан олган? Бир миллион долларнинг тақдири нима бўлди? Бундай жиноят учун қандай жазо берилади? У қилмиши учун халқдан кечирим сўрайдими?
Бу саволлар ҳуқуқни муҳофаза қилувчи органларга берилса, судга мурожаат қилишни, судга мурожаат қилинса, суд ёпиқ тарзда бўлаётганини айтишади. Наҳот одамлар кўз ўнгида фош этилган жиноят оқибати сирлилигича қолиб кетаверса?
Собиқ Бош прокурор билан боғлиқ жиноят иши бўйича ҳам ҳар хил миш-мишлар болалаб кетганини яхши биламиз. Шунча миллион пора олган экан, бунча ҳамтовоғи бор экан ва ҳоказо.
Аслида вазият қандай? Бу факт бўйича мутасаддилардан «отангга бор, онангга бор» қабилида жавоб олиш мумкин. Ҳолбуки, «Қодиров иши» билан боғлиқ суд жараёни халққа кўрсатилиши айтилган.
Судьялардан бундай жиноят ишлари нима учун ёпиқ кўрилиши керак, деб сўрасангиз, ҳар хил процессуал ҳужжатларни рўкач қилиши аниқ. Хўш, халққа хиёнат қилган шахсларга оид маълумотлар сир тутилаётганидан мақсад нима?
Тўғри, айрим ишлар қонун доирасида ҳал қилинмагунча ошкор қилинмаслиги мумкин. Аммо суд жараёни ҳақида ОАВ орқали маълумотлар бериб бориш дунё тажрибасида кўпдан мавжуд. Бизда эса миш-мишлар жаҳон матбуотида қизигандан қизиб ётса ҳам негадир сир тутиш учраб турибди. Бу ҳолат Ўзбекистон имиджига ярашмайди. Бундай жиноятларга оид маълумотлар аҳолига етказиб берилса, бошқаларга сабоқ бўларди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Швейцария президенти Путинга мактуб йўллади
Damas учун онлайн контрактация очилади
Германиянинг Knauf компанияси Россиядан бутунлай чиқиб кетишини тасдиқлади
Рамзан Қодировнинг 19 ёшли қизи медаль билан тақдирланди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
АҚШнинг Суриядаги ҳарбий базасига ракеталар ҳужум қилди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
