17:35 / 10.12.2019
2 933

Банк фойдасига салкам 1,5 млрд сўм ундирилди

Банк фойдасига салкам 1,5 млрд сўм ундирилди
Мажбурий ижро бюросининг Янгиқўрғон туман бўлими томонидан Тошкент туманлараро иқтисодий судининг ижро ҳужжати бўйича ҳаракатлар олиб борилди ва ундириб берилди, деб хабар беради МИБ Наманган вилоят бошқармаси.

Яъни, суднинг қарорига кўра қарздорлар “BAXMAL JUICE” МЧЖ, “MARVEL JUICE Co” МЧЖ, “YANGIQURGON AGRO INVEST” МЧЖ ва “O’ZYENGILULGURJISAVDO” МЧЖ лардан АИТБ “Ипак йўли” банки фойдасига 1.485.712.328 сўм кредит қарзи ундириш тўғрисидаги ижро ҳужжати Мажбурий ижро бюроси Янгиқўрғон туман бўлими иш юритувига келиб тушган.

Шундан сўнг, мазкур ижро ҳужжати талабини бажариш мақсадида гаровдаги қарздор “YANGIQURGON AGRO INVEST” МЧЖ га тегишли бўлган бошланғич баҳоси 1 млрд. 500 млн. сўм бўлган “Консерва завод” бино-иншоотлари қарздорлик эвазига хатланди.

Хатланган кўчмас мулк давлат ижрочисининг қарори билан “E-ijro auksion” электрон савдо майдончасига жойлаштирилган. Жорий йилнинг
2 декабрь куни ўтказилган аукцион савдоларида сотилган бино-иншоот ҳисобидан АИТБ “Ипак йўли” банкига 1 млрд. 485 млн. 712 минг сўмлик қарздорлик ундирилди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Банк фойдасига салкам 1,5 млрд сўм ундирилди