11:18 / 10.07.2020
2 683

Тўрт ҳудудда аҳоли орасида янги ҳолатлар аниқланди

Тўрт ҳудудда аҳоли орасида янги ҳолатлар аниқланди
Соғлиқни сақлаш вазирлиги Ўзбекистонда яна 159 кишида коронавирус аниқлангани ҳақида хабар берди.
«2020 йил 10 июль куни соат 10:00 ҳолатига кўра, Ўзбекистонда коронавирус инфекцияси қайд этилганлар сони 11 723 нафарни ташкил этмоқда.

Янги касалланиш ҳолатларининг 78 нафари Карантин марказидаги (барчаси хориждан келган) фуқаролар орасида, 29 нафари Тошкент шаҳрида, 10 нафари Сурхондарё вилоятида, 5 нафари Хоразм вилоятида ҳамда яна 5 нафари Жиззах вилоятида аҳоли орасида, 17 нафари Навоий вилоятида ва 15 нафари Самарқанд вилоятида коронавирусга чалинганлар билан мулоқотда бўлиб, карантинга олинган фуқаролар орасида аниқланган», дейилади хабарда.

9 июль куни Ўзбекистоннинг 10 ҳудудида жами 472та янги касалланиш ҳолати қайд этилди (бу янги рекорд кўрсаткич ҳисобланади), шундан 275 нафари карантин муассасаларида, 190 нафари аҳоли орасида, 7 нафари эса халқаро юк ташувчи автомашина ҳайдовчилари орасида аниқланган.

Шунингдек, 227 нафар бемор тузалди ва шу вақтгача касалликдан тузалиб чиққанлар сони 7287 нафарга етди.
Айни вақтда шифохоналарда 4384 нафар бемор даволанмоқда, шундан 42 нафари оғир, 9 нафари эса ўта оғир аҳволда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)