Маълумки, юртимизда болаларнинг барча ҳуқуқлари қатори моддий таъминот олиш ҳуқуқи ҳам қонун билан кафолатланган. Хусусан, Конституциямизнинг 64-моддасига кўра, ота-оналар ўз фарзандларини вояга етгунларига қадар боқиш ва тарбиялашга мажбурдирлар.
Аммо ҳаётда турли сабабларга кўра, оиланинг бузилиши натижасида алоҳида яшайдиган ота ёки онанинг бола таъминотида иштироки ўта долзарб муаммога айланади.
Шунинг учун амалдаги Оила кодексининг 96-моддасида ота-онанинг вояга етмаган болаларига таъминот бериши шарт экани қатъий белгилаб қўйилган.
Агар ота ёки она ушбу қонуний талабни ихтиёрий равишда бажармаса, бола таъминоти учун алимент суднинг ҳал қилув қарори ёки суд буйруғига асосан ундирилади.
Бу ҳаётда фарзанд тарбияси, унинг таъминоти ҳар бир ота-она зиммасидаги ўта шарафли ва айни пайтда масъулиятли вазифа саналади. Бироқ ҳаётда ана шундай масъулиятли вазифани ўз ихтиёри билан бажаришдан бош тортадиган ота-оналар ҳам учраб туради. Албатта, бундай вазиятда бола таъминоти учун алимент суднинг ҳал қилув қарорига асосан ундирилади.
Масалан, қарздор Р.Л. Гулистон шаҳрида яшаб келиб, 4 ой давомида алимент пулини тўлаб беришдан қасддан бўйин товлаб келган.
Шу сабабли, Гулистон шаҳар маъмурий суди томонидан Ўзбекистон Республикаси Маъмурий жавобгарлик тўғрисидаги Кодексининг 47(4)-моддаси 1-қисми билан айбли деб топилган. Унга тайинланган 15 сутка маъмурий қамоқ жазосини ўтаб чиқиб, бундан ўзига тегишли хулоса чиқармасдан, бир нафар вояга етмаган фарзандининг моддий таъминоти учун 20.01.2019 йилдан 01.12.2020 йилга қадар бўлган давр учун ҳисобланган жами 8 млн. 383 минг сўм алимент пулларини тўламасдан , вояга етмаган ёки меҳнатга лаёқатсиз шахсни моддий таъминлашдан бўйин товлашда ифодаланган жиноятни содир қилган.
Мазкур ҳолат юзасидан Р.Л.нинг хатти-ҳаракатларида "Моддий ёрдамга мухтож бўлган вояга етмаган ёки меҳнатга лаёқатсиз шахсни моддий таъминлашдан бўйин товлаш" яъни, Ўзбекистон Республикаси Жиноят Кодексининг 122-моддаси 1-қисмида назарда тутилган жиноят таркиби мавжудлигини инобатга олиб, унга нисбатан жиноят иши қўзғатилиб, суриштирув ҳаракатлари олиб борилди ва айблов далолатномаси билан ЖИБ Гулистон шаҳар судига юборилди.
Жабрланувчи О.Д. судга ариза билан мурожаат қилиб, айбланувчи Р.Л.дан 8 млн. 383 минг сўм алимент пулларини суд мажлисида иҳтиёрий равишда тўлиқ тўлаб берганлиги, улар ўзаро ярашиб олганликлари сабабли жиноят ишини ўзаро ярашувга асосан тугатишни сўраган. Шунга кўра, суднинг ажрими билан Ўзбекистон Республикаси ЖКнинг 122-моддаси 1-қисми билан Л.Р.га оид жиноят иши ярашганлиги муносабати билан тугатилди.
Хулоса қилиб айтганда, алимент бу қарз эмас, балки фарзанднинг у вояга етгунга қадар бериладиган таъминотидир. Буни бажариш эса, ҳар бир ота-онанинг бурчидир.
Икромхон Убайдуллаев,
Бюронинг Сирдарё вилоят бошқармаси катта суриштирувчиси
“Замин” янгиликларини “Youtube”да кузатиб боринг
Бюронинг Сирдарё вилоят бошқармаси катта суриштирувчиси
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Зоир Мирзаев “Телефонсиз мактаб”га 300 млн сўм мукофот берди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Америкалик олимлар барча учун бирдек фойдали жисмоний фаоллик турини аниқлади
