“Ласетти”га яширилган дори воситалари манзилига етиб бормади

Божхона органлари томонидан юртимизга тиббиёт буюмлари ҳамда дори воситаларини ноқонуний олиб киришга бўлган уринишларга ўз вақтида чек қўйилмоқда.

Жумладан, Наманган вилояти божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати чегара қўшинлари ҳарбий хизматчилари билан ҳамкорликда Наманган шаҳрида тезкор тадбир ўтказишди.

Ўтказилган тезкор тадбир давомида Наманган шаҳрида фуқаро М.М. бошқарувидаги “Ласетти” русумли автомашина тўхтатилиб белгиланган тартибда кўздан кечирилди.

Натижада ушбу автомашинада тегишли ҳужжатлари бўлмаган, хорижда ишлаб чиқарилган, умумий қиймати 193 миллион сўмлик
39 турдаги 78 114 дона тиббиёт дори воситалари борлиги аниқланди.

Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда. «Замин»ни Telegram’да ўқинг!