140 млн. сўм алимент учун олдиндан тўланди

Фуқаролик ишлари бўйича Миробод туманлараро судининг 23.08.2019 йилдаги 2-1002-1906/3163-сонли ижро варақасига асосан, қарздор М.Қазақбаевдан ундирувчи С.Акимниязова фойдасига вояга етмаган икки нафар фарзанди таъминоти учун ойлик иш ҳақи ва бошқа даромадларидан 1/3 қисми миқдорида алимент ундириш белгиланган.

Мазкур ижро иши давлат ижрочиси М.Худойберганов иш юритувига берилган бўлиб, ижро иши Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-моддасига асосан иш юритиш қўзғатилган.

Давлат ижрочиси томонидан олиб борилган ижро ҳаракатлари қолаверса тарғибот ишлари натижасида алиментчи ота фарзанди вояга етгунига қадар 140 млн. сўм алимент пуллари ундирувчи фойдасига нақд кўринишда ундириб берилиб, Қонунининг 41-моддасига асосан иш юритуви тамомланган. «Замин»ни Telegram’да ўқинг!