ДХХ Қашқадарё вилояти бошқармаси ҳамда Тошкент шаҳар божхона бошқармаси ҳамкорлигида ўтказилган тезкор тадбирда пойтахтимизнинг Чилонзор тумани ҳудудида «Денов – Тошкент» йўналишида кирикашлик билан шуғулланувчи фуқаро бошқарувидаги автомашина тўхтатилди.
Автомашина холислар иштирокида кўздан кечирилганда, унинг юкхонасида Денов шаҳридан почта сифатида бериб юборилган автомобиль эҳтиёт қисми ичига яширилган 965 гр. «опий» гиёҳванд моддаси борлиги маълум бўлди ва процессуал тарзда расмийлаштириб олинди.
Аниқланишича, мазкур гиёҳвандлик воситасининг эгаси Чилонзор туманида яшовчи фуқаро М.Нурумбетов бўлиб, у ушбу ажал оғусини Денов шаҳрилик А.Умуровдан 6500 АҚШ долларига сотиб олган.
Тезкор тадбир доирасида Нурумбетов ва Умуровлар ҳибсга олинди.
Таъкидлаш лозимки, мазкур шахслар муқаддам гиёҳванд моддалар савдоси билан боғлиқ жиноят содир этганликлари учун жиноий жавобгарликка тортилган бўлсаларда, лекин, хатоларидан тўғри хулоса чиқаришмаган.
ДХХ Фарғона вилояти бошқармаси ходимлари томонидан ўтказилган тезкор тадбирда гиёҳванд моддалар савдоси билан шуғулланиб келган бир гуруҳ шахслар жиноят устида қўлга олинди.
Фарғона туманида истиқомат қилувчи ушбу фуқаролардан келгусида сотиш мақсадида яшириб қўйилган 3 кг 14 гр. «гашиш” гиёҳванд моддаси ашёвий далил сифатида олинди.
Қирғизистон Республикасининг Боткен вилояти Қадамжой туманида яшовчи шахсдан 15 минг АҚШ долларига сотиб олинган ушбу гиёҳвандлик воситаси контрабанда йўли билан мамлакатимизга олиб келинган.
ДХХ Наманган вилояти бошқармаси ҳамда вилоят божхона бошқармаси ходимлари томонидан ўтказилган тезкор тадбирда эса Наманган шаҳрида ҳаракатланаётган «Кобалт» русумли автомашина тўхтатилди.
Текшириш жараёнида автомашинада йўловчи сифатида кетаётган Учқўрғон шаҳрида яшовчи, Ўзбекистон Республикаси фуқароси, муқаддам судланган Аваскан уулу Абдураимга тегишли спорт сумкаси ичида 787 гр. «гашиш» моддаси борлиги аниқланди.
Терговга қадар текширув давомида, Аваскан уулу Абдураим Қирғизистондан контрабанда йўли билан олиб ўтилган ушбу гиёҳванд моддани Наманган шаҳрида истиқомат қилувчи, муқаддам судланган М.Мирҳамидовга бериши кераклиги маълум бўлди ва тезкор тадбир давом эттирилиб, мазкур шахс ҳам қўлга олинди.
Поп туманида жойлашган «Наманган» ЙПХ масканида «Наманган - Тошкент» йўналишида ҳаракатланаётган «Нексия» русумли автомашина тўхтатилиб текширилганда, унда йўловчи сифатида кетаётган Учқўрғон туманида яшовчи Қирғизистон Республикаси фуқароси Х.Амановнинг ёнида 392 гр. «гашиш» моддаси борлиги аниқланиб, тегишли тартибда расмийлаштириб олинди. У ажал оғусини сотиш мақсадида Тошкент шаҳрига олиб кетаётган бўлган.
Ҳозирда мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, уларнинг жиноий шерикларини аниқлаш бўйича ҳам чора-тадбирлар амалга оширилмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди
