Корхонага қарашли “Tracker” атомашинаси хатланди

Мажбурий ижро бюроси Бувайда туман бўлими иш юритувида фуқаролик ишлари бўйича Қўқон туманлараро судининг 25.12.2020 йилдаги ижро варақасига асосан қарздор “Ғулом Азамат файзи” оилавий корхонасидан АТ “Агро банк” Бувайда туман филиали фойдасига 182 млн. 35 минг сўм кредит қарзи ва 16 110 сўм почта ҳаражати ундириш ҳақидаги ижро ҳужжати мавжуд.

Жорий йилнинг 15 январь куни қарздор “Ғулом Азамат файзи” оилавий корхонаси раҳбари А.Алиевга ижро иши юритуви қўзғатилганлиги ва унинг ҳуқуқий оқибатлари тушунтирилган бўлишига қарамасдан гаровга қўйилган “Tracker” автомашинасини ижродан яширган.

Ушбу транспорт воситасига нисбатан эълон қилинган қидирув ҳаракатлари давомида 25.03.2021 йилда Бувайда туман марказида ҳаракатланаётган вақтида ушланган ва жарима майдончасига олиб кирилган.

Бир неча кун яёв юрган корхона раҳбари А.Алиев банкдан бўлган 182 млн. 35 минг сўм кредит қарзи ва бошқа ҳаражатларни тўлиқ тўлади. Шунингдек, суд ҳужжати ижросини ихтиёрий таъминламаганлиги сабабли унга нисбатан тегишли маъмурий жазо чоралари қўлланилди. «Замин»ни Telegram’да ўқинг!