07:28 / 23.11.2021
742

Сепкиллар гўзалликми ёки касаллик?

Сепкиллар гўзалликми ёки касаллик?
Фото: Google Images
Тиббий маълумотларга қараганда сепкиллар теридаги унча катта бўлмаган сарғиш, қўнғир, қорамтир, шакли ҳар хил пигментатив доғлар ҳисобланади. Моддаларнинг мувозанатсизлиги, стресс ва витамин етишмовчилигидан пайдо бўлиши ёки ота-онадан болага ирсий ўтиши ҳам мумкин. Кимгадир сепкиллар жуда ярашиб туради. Аммо уларсиз жозибали кўринишни истайдиган аёллар ҳам орамизда талайгина. Ана шундай қизларимиз учун косметолог Шаҳноза Гулямованинг тавсия ва маслаҳатларини тақдим этамиз.

Сепкилларни кетказишни тавсия қилмайман
— Мен сепкилларни гўзаллик деб ҳисоблайман. Чунки Аллоҳ таоло барчамизни ўзимизга хос қилиб яратган. Сиз каби ўхшаши йўқ. Сепкилини йўқотишга келган мижозларимга ҳам ўзингизга жуда ярашиб турибди. Ҳали улар тўкилиб кетганидан кейин «сепкилларимни топиб беринг» деб менга тўполон қилиб келманг, деб ҳазил қиламан.

Мен Аллоҳ берган хилқатни ўзгартиришга қаршиман. Фаолиятимда ҳам умуман ташқи кўринишни ўзгартирувчи муолажалар қилмайман.

Фото: Instagram / @kosmetolog_shahnoza
Сепкилларни бутунлай йўқотиб бўлмайди
Аммо баъзи аёлларимизнинг юзидаги сепкил турмуш ўртоғига ёқмайди ёки юзи тиниқ бўлишини хоҳлайди. Айнан шундай аёл-қизларимиз учун сепкил туширувчи махсус муолажамизни қўллайман.

Бизда ИПЛ лазеримиз бор. У билан ярим соат давомида ишлаймиз: 15 кунда сепкиллар тўкилиб тушади.

Фото: Instagram / @kosmetolog_shahnoza
Қуёш натижасида юзга тушган сепкиллар наслийдан кўра даволаш муддати узоқроқ бўлади. Масалан, наслий сепкилларни кетказишга битта муолажа етса, қуёшдан тушган сепкил доғ ҳисобланади. Уни кетказишга кўп вақт ва парвариш керак бўлади.

Лекин бир нарсани алоҳида таъкидлашим керак, ҳар қандай муолажа муддати узоғи 4-5 ойга етади холос. Вақт ўтиб, юзда пайдо бўлаверади. Чунки бу тиббиётда наслий касаллик ҳисобланади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Сепкиллар гўзалликми ёки касаллик?