Дурдона Қурбонова ўзига бўлган ножўя таклифлар ҳақида гапирди (видео)

^{Фото: «Дарё»}
Актриса Дурдона Қурбонова «Дарё» интернет-нашрига эксклюзив интервью берди. Интервьюни Дарё мухбири Феруз Муҳаммад ташкиллаштирди.
Актриса Дурдона Қурбонова суҳбат давомида унинг характерини билмайдиган инсонлар томонидан бўлган ножўя таклифлар ҳақида сўзлаб берди.

- "Ножўя таклифлар бўлган. Бу асосан санъатга энди кириб келаётган вақтимда кўп бўлган. Шоу-бизнесга энди кириб келаётганимда характеримни билмайдиганлар ҳар хил ножўя таклифларни қилишган.

Кўпчилик қизлар шоу-бизнесга энди кириб келаётган вақтларида «машҳур бўламан», деб кириб келади. У машҳур бўлиши учун кимлардир ножўя таклифларни қилади, қайсидир актриса балки бу таклифга рози бўлар, аммо ўзини ҳурмат қилган инсон бунақа таклифларга рози бўлмайди. Санъат менинг ҳаётим бўлмагани учун ҳаммасига тўғри йўлни кўрсатганман, уришган вақтларим ҳам бўлган. Бундай таклифларни режиссёрлар, актёрлар беришган.

Ножўя таклиф фақатгина ножўя, кўпчилик ўйлаганидек ёмон маънода эмас, «яхши кўриб қолдим» мазмунидаги сўзлардан ҳам иборат бўлган. Ўзимнинг даражамни ушлаб, йўлимни топганимдан сўнг, менга ҳеч ким ортиқча гап гапира олмайдиган бўлган. Ҳаттоки болалар келиб, гапиришга ҳам қўрқади", - дейди актриса, инста-блогер Дурдона Қурбонова.

Маълумот учун, Дурдона Қурбонова 1998 йил 2 июнь куни Тошкент шаҳрида дунёга келган. Санъат коллежида ҳамда Ўзбекистон санъат ва маданият институтининг Драматик театр ва кино актёрлиги факультетида таҳсил олган. 50 га яқин фильм, сериалларда, 100 дан ортиқ клипларда бош ролларни ижро этган. Дурдона Қурбонова бугунги кунда актрисаликдан ташқари, хонандалик фаолияти билан ҳам шуғулланиб келмоқда. “Замин” янгиликларини “Одноклассники”да кузатиб боринг