Netflix'нинг машҳур “Wеdnesday” сериали иккинчи мавсуми арафасида яна бир юлдуз иштирокини эълон қилди — бу сафар Леди Гага. Унинг иштироки сериал мухлислари орасида катта қизиқиш уйғотмоқда, чунки у нафақат актёрлик қилади, балки янги саундтрек ҳам ёзган.
“Dead dancе” деб номланган қўшиқ ва унинг видеоклипи сериалнинг иккинчи қисми премераси билан бирга — 3-сентябрь куни тақдим этилиши режалаштирилган. Сериалнинг биринчи қисми эса 6-августда намойиш этилади. Қўшиқ продюсерлари Эндрю Ватт ва Cиркут бўлиб, улар билан Гага илгари “Mayhem” албоми устида ҳам ишлаган.
Гага сериалда “Nevermore” академиясининг афсонавий ўқитувчиси Розалина Ротвуд ролини ўйнайди. Бу ҳақида илк бор Netflix'нинг Тудум тадбирида эълон қилинган бўлиб, у ерда Гага шоуни жонли ижро билан якунлаган эди.
«Замин»ни Telegram’да ўқинг!
