Репер Кане Уестнинг ҳаёти ва карьераси ҳақида суратга олинган янги ҳужжатли фильм “Кимнинг номи билан?” илк тизерини намойиш этди. Ушбу лойиҳа Nikolas Ballesteros томонидан бошқарилди ва у олти йил давомида Кане Уестнинг кундалик ҳаётини, иш фаолиятини ва шахсий курашларини кунига 15 соат iPhone орқали қайд этган.
Николас ўн саккиз ёшида лойиҳа устида ишлашни бошлаган ва натижада 3 минг соатга яқин ноёб материал йиғилган. Ҳужжатли фильм AMSI Entertainment томонидан тайёрланган бўлиб, 19-сентябрь куни AMC, Regal va Cinemark кинотеатрлар тармоғида намойиш этилади.
Фильм материалларида айтилишича, Кане биполяр бузилиш, омадсиз никоҳ, ҳомийларнинг йўқлиги ва жамоатчиликнинг ўсиб бораётган салбий муносабатига қарамай, миллиард долларлик брендини яратган ва шу билан бирга зиддиятли шахсият сифатида яшашни давом эттирган.
Бюджети 1 миллиард долларни ташкил қилган фильм, Кане Уестнинг қандай қилиб Америка тарихидаги энг бой қора танли шахсга айланганини, унинг меҳнати, қарорлар ва шахсий курашларини батафсил очиб беради.
Тизер ва фильм томошабинларга нафақат репернинг машҳурлигини, балки инсоний заифликларини ҳам кўрсатиб, Кане Уестни яхшироқ тушунишга ёрдам беради. Ушбу лойиҳа санъатсеварлар ва мусиқасеварлар учун катта қизиқиш уйғотмоқда.
«Замин»ни Telegram’да ўқинг!
