Андреа Бочелли илк бор Самарқандда концерт беради
1 сентябр куни Самарқанддаги тарихий Регистон майдонида Андреа Бочеллининг йирик консерти бўлиб ўтади. Италиялик тенор Ўзбекистонда илк бор саҳнага чиқади. Консертда у билан бирга сопрано Айда Гарифуллина, Ўзбекистон Миллий симфоник оркестри ва хор жамоалари иштирок этади. Кечада жаҳон мумтоз мусиқасининг сара асарлари ҳамда кўпчиликка таниш қўшиқлар янграйди.
1 сентябрь куни Самарқанд шаҳридаги тарихий Регистон майдонида замонамизнинг машҳур тенор овоз соҳибларидан бири — Андреа Бочеллининг йирик концерти бўлиб ўтади. Бу ҳақда Маданият ва санъатни ривожлантириш жамғармаси ахборот хизмати маълум қилди.
Маълумотларга кўра, жаҳон саҳналарида юксак обрў қозонган италиялик артист илк бор Ўзбекистонда саҳнага чиқади. Унинг чиқиши нафақат мамлакатимизда, балки бутун дунёда кенг муҳокама этилиши кутилмоқда.
Мусиқа кечасида Андреа Бочелли билан бирга машҳур сопрано Айда Гарифуллина, Ўзбекистон Миллий симфоник оркестри ҳамда хор жамоалари ҳам иштирок этади. Кечада жаҳон мумтоз мусиқасининг энг сара асарлари ва кўпчиликка таниш қўшиқлар янграйди.
Ташкилотчиларнинг таъкидлашича, концерт Регистон майдони каби жаҳон маданияти меросига кирган саҳнада ўтказилаётгани билан янада аҳамиятлидир. Бу кеча Самарқанднинг маданий ҳаётида ёрқин воқеага айланиши шубҳасиз.
Изоҳлар 0
…