Хонанда Малика Равшанова ўзининг Instagram саҳифасида қизиқарли видеопост жойлаб, мухлисларини ҳайратда қолдирди. У 12 йил давомида бирор марта ҳам телефон сотмаганини айтиб ўтди. Санъаткор видеода қўлидаги илк телефонини кўрсатиб:
“Бу менинг биринчи iPhone'им. Унинг қайси йилда чиққани ёки модели менга қизиқ эмас. Мени энг кўп қизиқтирадигани — ичидаги хотиралар,” — дея таъкидлади.
Малика Равшанованинг айтишича, ҳар бир телефонида фарзандлари ва оиласига оид қадрли, унутилмас, ширин лаҳзалар сақланиб қолган. Шу боис у ҳеч бир телефонини сотмас экан.
Санъаткор шунингдек, ўзининг “коллекцияси”га яна бир янги телефон қўшилганини айтиб, постни қуйидаги сўзлар билан якунлади:
“Бу янги телефонимга ҳам ҳаётимиздаги бахтли лаҳзаларни муҳрлаш насиб қилсин!”
Хонанданинг бу самимий изоҳи кўплаб мухлислар томонидан илиқ кутиб олинди.
Меҳмон гуруҳидаги фойдаланувчилар ушбу мақолага изоҳ қолдира олмайди.
