Netflix Warner Bros. Discovery компаниясини, шунингдек унинг таркибидаги HBO ва HBO Max платформаларини 72 миллиард долларга эгаллаётганини маълум қилди. Битимнинг умумий қиймати 82,7 миллиард доллар этиб белгиланган.
Кутилаётган муддат
Йирик келишув 2026 йилнинг учинчи чорагида расман якунланиши режалаштирилган.
Netflix кутубхонаси кенгаяди
Мазкур хариддан сўнг платформа контентлар рўйхати янада бойийди. Унда “Тахтлар ўйини”, “DC олами”, “Гарри Поттер”, “Сопранолар оиласи”, “Катта портлаш назарияси” каби машҳур франшизалар пайдо бўлади.
Раҳбарият фикри
Netflix раҳбарлари бундай қўшилиш томошабинлар сонининг кескин ортишига хизмат қилишини, шунингдек, компания бизнесининг барқарорлигига катта туртки беришини таъкидламоқда.
Регуляторлар назорати остида
Битим АҚШ ва Европа антимонополия идоралари томонидан батафсил ўрганилиши кутилмоқда. Йирик медиа компанияларнинг бирлашуви бозор рақобатига қандай таъсир кўрсатиши алоҳида муҳокама қилинади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
