Ўзбек киноси жаҳон платформаларига чиқади: янги стратегик режалар

1 дақиқа ўқиш2.5K
Ўзбек киноси жаҳон платформаларига чиқади: янги стратегик режалар

“Ўзбекистон – 2030” стратегияси лойиҳасида миллий кинематографияни янги босқичга олиб чиқиш, унинг халқаро майдондаги нуфузини оширишга қаратилган аниқ ва кенг қамровли мақсадлар белгиланди. Унга кўра, ўзбек киноси нафақат ички бозорда, балки жаҳон аудиторияси орасида ҳам рақобатбардош бўлиши кўзда тутилмоқда.

Стратегия лойиҳасида миллий фильмларни дунёдаги энг оммабоп 10 та интернет платформасига жойлаштириш асосий вазифалардан бири сифатида қайд этилган. Бу ташаббус орқали ўзбек кино маҳсулотлари кенг аудиторияга тақдим этилиши, турли мамлакатлардаги томошабинлар учун очиқ ва осон етиб бориши таъминланади. Шу билан бирга, контент ишлаб чиқариш ҳажмини босқичма-босқич ошириш ҳам режалаштирилган.

Лойиҳа доирасида 2024–2030 йилларда мамлакат давлатчилигининг уч минг йилдан зиёд тарихини, буюк аждодларнинг илмий, маданий ва маънавий меросини ёритувчи 50 та йирик кинолойиҳа амалга оширилиши кўзда тутилмоқда. Ушбу фильмлар хорижий давлатларда, жумладан, нуфузли кинофестиваллар ва телеканаллар орқали намойиш этилади.

Шунингдек, миллий қаҳрамонлар образини оммалаштириш мақсадида 59 та мултипликацион фильм ишлаб чиқариш, уларни интернет платформаларига жойлаштириш ва телевидениеда намойиш қилиш режалаштирилган. Бу орқали ёш авлодга миллий тарих ва қадриятларни замонавий форматда етказиш мақсад қилинган.

Халқаро илгари суриш йўналишида эса 54 та миллий фильмни турли халқаро кинофестивалларда тақдим этиш орқали ўзбек киносига бўлган қизиқишни кучайтириш кўзда тутилмоқда. Иқтисодий самарадорликни ошириш учун кино соҳасига жалб этиладиган инвестициялар ҳажмини 2,5 миллион долларга етказиш, миллий кино маҳсулотлари экспортини эса 10 миллион долларгача кўтариш режалаштирилган.

Бундан ташқари, ижтимоий-маърифий аҳамиятга эга йўналишлар ҳам эътибордан четда қолмаган. Хусусан, ҳарбий-ватанпарварлик мавзусида 11 та фильм, жадидчилик ҳаракати намояндаларининг ҳаёти ва фаолиятига бағишланган 6 та бадиий-публицистик фильм ишлаб чиқарилиб, кенг жамоатчиликка тақдим этилади.

Белгиланган чора-тадбирлар миллий кинематографияда сифат ва ҳажмни ошириш, халқаро тарқатиш имкониятларини кенгайтириш, инвестицияларни жалб этиш ҳамда экспорт салоҳиятини мустаҳкамлашга хизмат қилиши кутилмоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?