Жаҳонгир Отажонов Америкада туриб мухлисларини қизиқтирган саволларга жавоб берди
Хонанда Жаҳонгир Отажонов АҚШнинг Нью-Йорк шаҳрига ташриф буюриб, мухлислари билан учрашди. Санъатчи ижтимоий тармоқлардаги саволларга жавоб берар экан, қўшиқларни санъат учун айтганини, лекин шу орқали даромад топишини таъкидлади. Шунингдек, у ижодий қийинчиликлар ва шахсий ҳаётидаги ишонч билан боғлиқ масалалар ҳақида самимий фикр билдирди.
Хонанда Жаҳонгир Отажонов концерт дастури билан АҚШнинг Ню-Ёрк шаҳрига ташриф буюриб, мухлислари билан учрашди. У ижтимоий тармоқлар орқали берилган бир қатор саволларга очиқ ва самимий жавоб қайтарди.
Мухлислардан бири “Қўшиқни санъат учун айтасизми ёки пул учунми?” деган савол билан мурожаат қилган. Хонанда бунга жавобан қўшиқларни санъат учун ижро этишини, бироқ шу орқали даромад топишини таъкидлади.
Яна бир саволда ижод жараёнидаги қийинчиликлар ҳақида сўралганда, у баъзи қўшиқларига катта умид билан киришганини, аммо натижа ҳар доим ҳам кутилгандек чиқмаганини тан олди.
Шунингдек, шахсий ҳаёти ҳақида берилган саволга жавоб берар экан, Отажонов саҳнада ҳиссиётларга бой бўлса-да, ҳаётда жиддий инсон эканини айтди. Унга кўра, қалбини синдирганлар асосан ишончни оқламаган инсонлар бўлганини билдириб, аёллар бундай ҳолатда сабабчи бўлмаганини қўшимча қилди.
Изоҳлар 0
…