Озодбек Назарбеков 52 ёшни қарши олди

Фото: Yandex

Маданият вазири, Ўзбекистон халқ артисти Озодбек Назарбеков кеча 52 ёшни қаршилади.

У 1974 йил 7 май куни Андижон вилоятининг Шаҳрихон туманида туғилган. Оддий ишчилар оиласида вояга етган санъаткор оиладаги фарзандлар орасида олий маълумот олган ягона фарзанд бўлган. У 10 ёшида онасидан айрилган.

Хонанданинг санъаткор сифатида шаклланишида Муҳриддин Холиқовнинг ҳиссаси катта бўлган. У ёш истеъдодни қўллаб-қувватлаб, ижод йўлида ёрдам берган.

Озодбек Назарбеков 2005–2016 йиллар давомида ҳар йили узоқ муддатли концерт дастурлари билан мухлислар эътиборида бўлган. Кейинчалик раҳбарлик фаолияти сабаб ижодида танаффуслар кузатилган. Санъаткор ўзбек шеваларининг 12 тасида эркин сўзлаша олиши билан ҳам ажралиб туради.

Озодбек Назарбеков бугунги кунда нафақат Ўзбекистон, балки Қорақалпоғистон, Тожикистон ва Қирғизистон халқ артисти ҳисобланади.

Charos Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг