Фото: Instagram
Хонанда Ботир Қодиров ўзининг Instagram саҳифаси орқали мухлисларига яна бир ёқимли янгилик улашди. У яқин кунларда янги қўшиғини тақдим этишини маълум қилиб, тингловчиларда катта қизиқиш уйғотди.
Янги тарона “Қизғонаманде” деб номланган бўлиб, хонанда уни мутлақо янгича услубда ижро этганини таъкидламоқда. Қўшиқнинг айрим қисмлари аллақачон ижтимоий тармоқларга сиздирилиб, мухлислар орасида кенг муҳокамаларга сабаб бўлган.
Ҳозирча аниқ премера санаси эълон қилинмаган бўлса-да, мухлислар бу янгиликни катта интиқлик билан кутишмоқда. Қодиров жойлаган постига "Қизғонаманде. Тез кунда", дея ёзиб қолдирган.
Ижтимоий тармоқ фойдаланувчилари эса янги тарона хонанданинг ижодида яна бир муваффақиятли босқич бўлиши мумкинлигини айтишмоқда. Айниқса, қўшиқнинг номи ва услуби аллақачон тингловчиларда қизиқиш уйғотишга улгурган.
