Бурак Ўзчивит билан интервью: бошловчиликка Алишер Узоқовдан бошқа одам йўқмиди?

Кеча машҳур турк актёри Бурак Ўзчивит билан уюштирилган суҳбатни жуда кўпчилик «Zo’rTV» телеканали орқали томоша қилгани аниқ. Таассуротлар ҳам турлича. Айримлар (асосан аёллар) Буракнинг кўркам ташқи кўриниши ва туркчада жуда ширин гапиришига мафтун бўлган бўлса, айримлар эса суҳбатни олиб борган Алишер Узоқовнинг димоғдор оҳанги, кроссовкаси ва баъзи аҳмоқона саволларидан аччиқланишмоқда.

Масалан, ўзбек кино режиссёрлари сизни кинога таклиф қилишса, «скидка» қилиб бера оласизми, қабилидаги савол ҳаммасидан ошиб тушди. Нима, ўзбек режиссёрлари шу қадар қашшоқми?!

Яна «Севги изтироби» сериали дубляжидан бир лавҳа кўрсатилиши ҳам Алишер Узоқовни ўз-ўзини реклама қилиш бўлди. Бинобарин Буракка овоз берган Санжар Саъдуллаевни олиб келолмаган экансиз, дубляждан парча нега керак? Актёрни қизиқтириб қўйганингиз қолди, холос.

Хуллас, кўпчилик юртдошларимиз фикрича, Бурак билан суҳбатни дилкашроқ бирор инсон олиб бориши керак эди.
Сиз нима дейсиз?