Пўлат Аламдар роли билан танилган Нежати Шашмаз 48 ёшга тўлди

2 дақиқа ўқиш9K
Пўлат Аламдар роли билан танилган Нежати Шашмаз 48 ёшга тўлди
Бугун, 15 декабрь куни ўзбек кино мухлисларига «Қашқирлар макони» сериалида Пўлат Аламдар роли билан яхши таниш бўлган Муҳаммад Нежати Шашмазнинг туғилган куни. У 1971 йил Туркиянинг Элозиқ шаҳрида туғилган.

Нежати Анқарада катта бўлган ва шу ерда мактабни тамомлаган. У Туркия ва Канадада меҳмонхона менежменти ва туристик бизнес йўналишида ўқиган.

1997 йилдан 2001 йилга қадар АҚШда яшаган. 2001 йил Туркияга оила аъзоларини кўриш учун келган Нежатининг қайтиб кетиш рейси 2001 йил 11 сентябрда АҚШда юз берган теракт сабаб бекор қилинган. Туркияда маълум муддат қолишига тўғри келган. Айнан шу қолиш муддати унинг муваффақиятли карьераси бошланишига сабаб бўлган. Мутахассислиги актёр бўлмаган Нежатининг «Қашқирлар макони» сериалига бош рол учун таклиф қилиниши турли муҳокамалар келтириб чиқарган. Бироқ унинг сериалдаги маҳоратли ижроси барча шубҳалар ўринсиз бўлганини исботлади.

У 2011 йил 41 ёшида ўзидан 21 ёш кичик бўлган Истанбул университети талабаси Нагеҳан Қошиқчи билан турмуш қурган, бир қиз ва ўғилнинг отаси. Ҳозирда турмуш ўртоғи билан ажрашиш жараёни кетмоқда.

«Қашқирлар макони» сериалининг барча фасллари 2003 йилдан 2017 йилгача давом этган. Сериалнинг барча фаслларида — «Қашқирлар макони» (2003—2005 йилларда), «Қашқирлар макони: Ироқ» (2006 йил), «Қашқирлар макони: Террор» (2007 йил), «Қашқирлар макони: Тузоқ» (2007—2016 йилларда), «Қашқирлар макони: Фаластин» (2011 йилда) «Қашқирлар макони: Ватан» (2017 йилда) — Нежати бош ролни ижро этган.

Шунингдек, у «Қашқирлар макони: Ватан» ва «Навбатчилик» сериалларининг сценарий муаллифи, режиссёри ва продюсери ҳисобланади. Нежати Шашмаз «Қашқир қонуни», «Бир аёлни танидим» ва «Айри йўл» сериалларга продюсерлик қилган.

Қуйида «Қашқирлар макони» сериалида Нежати Шашмаз томонидан айтилган иқтибосларни эътиборингизга ҳавола этамиз.

«Охирини ўйлаган қаҳрамон бўлолмайди».
«Токи инсонлар юрагида озодлик алангаси ёнар экан, улар эртами-кечми албатта ўз мақсадларига эришадилар».
«Қалбни қаерда жойлашганини ҳеч билмаслиги мумкин, лекин қалб оғриғи қандай бўлиши ҳаммага маълум».
«Сукут бу энг яхши дўст. Синалган. Унга сендан ҳеч нарса керак эмас. Шунчаки ёнингда бўлади ва сенга халақит қилмайди».
«Икки киши биладиган сир — сир эмас».
«Хатони тўғрилаш мумкин, лекин сотқинликни эмас».
«Сен дунёдаги энг кучли ва жасур одам бўлган тақдирингда ҳам севган инсонинг қаршисида ҳамиша ожиз бўласан».
«Ҳақиқатни айтиш учун биз уни навбатга қўямиз. Қулай фурсатни кутамиз».
«Баъзида кўзлар қуруқ бўлгани билан юрак жим йиғлаши мумкин».
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?