Турк актёри Бурак Ўзчивит ҳамкасбларини ҳақорат қилгани учун 4 йилга қамалиши мумкин

^{Фото: Instagram / @burakozcivit}
Ўзбек мухлисларига «Севги изтироби», «Чолиқуши» сериалидаги роли билан яхши маълум бўлган Бурак Ўзчивит ҳамкасбларини ҳақорат қилгани сабаб қамоққа олиниши мумкин.

Аввалроқ Бурак Ўзчивитнинг айни вақтда суратга олиш ишлари давом этаётган «Қурилиш: Усмон» сериалидаги ҳамкасблари уни ҳақорат қилганликда айблаб, полицияга шикоят қилгани ҳақида хабар берилганди. Бу воқеа 2020 йил декабрда содир бўлган бўлиб, жамоадаги оператор ёрдамчисининг сўзларига кўра, Буракнинг оғзидан чиққанларни эшитиб, суратга олиш майдончасидагилар шокка тушиб қолган ва ҳеч ким лом-лим дея олмаган.

Туркиянинг NTV каналининг маълум қилишича, Истанбулдаги Бейкоз тумани бош прокуратураси суратга олиш жамоасининг шикоятини кўриб чиққан. Суратга олиш жамоаси сўроқ қилинганидан кейин даво очилган. Унга кўра, Ўзчивит 4 йил-у 1 ой муддатга озодликдан маҳрум қилиниши мумкин. Яқин кунларда биринчи суд йиғилиши бўлиб ўтади.

Аввалроқ Бурак Ўзчивит ва Фаҳрие Эвженнинг ўғли Каран таглик рекламасида суратга тушгани, унинг 5 сониялик кўриниши учун катта миқдорда маблағ тўлангани ҳақидаги маълумот резонанс келтириб чиқаргани ҳақида хабар берилганди. “Замин” янгиликларини “Инстаграм”да кузатиб боринг