"Локомотив" шимолий македониялик футболчи билан расман шартнома имзолади

Боян Найденов "Локомотив" билан шартнома имзолади. Бу ҳақда клуб матбуот хизмати хабар берди.

23 декабрь куни трансфери эълон қилинган шимолий македониялик футболчи Боян Найденов клуб қароргоҳига етиб келди ва шартномага қўл қўйди.

Ўз олдига юқори мақсадларни қўядиган "Локомотив" таркибини ёшлик ва тажриба билан ҳамоханг ҳолда уйғунлаштириб, Суперлигага қайтишни режалаштирмоқда. Боян Найденов эса ўз тажрибаси ва салоҳияти билан жамоанинг асосий футболчиларидан бири бўла олади!