"Сурхон": "Биз Хитойга кетмоқдамиз!"

"Сурхон" жамоаси Хитойда йиғин ўтказади. Бу ҳақда клуб матбуот хизмати хабар берди.

"Яқин кунлар ичида жамоамиз Хитойга учиб кетади. Шанхай вилоятининг Юй Линг шаҳрида ўтказаётган ўқув-машғулот йиғини 18-25 июль кунларида бўлиб ўтади.

Хитойдаги йиғин доирасида ўртоқлик учрашувлари ўтказиш режалаштирилган ҳамда янги футболчилар кўрикдан ўтади", - дейилади хабарда.

Маълумот ўрнида, "Сурхон" клуби айни пайт 19 очко тўплаган ҳолда Суперлига турнир жадвалининг 6-поғонасини банд этган.