Оғир вазн тоифасида WBА, WBО ва IBF йўналишлари чемпиони украиналик Олександр Усик британиялик даъвогар Дениэль Дубоис билан жанг олиб борди.
Баҳснинг саккизинчи раунд якунида Усик рақибини нокдаунга, тўққизинчи раундда эса нокаутга учратди. Қолаверса, Усикнинг битта зарбаси курашга нуқта қўйди.
Умуман олганда, Усик жанг давомида рақибидан яхшироқ эканини кўрсата олди, гарчи Дубоис уни вақти-вақти билан яхши зарбалар билан тута олган бўлсада, аммо жангнинг энг кўп муҳокама қилинадиган эпизоди бешинчи раундида содир бўлди.
Дубоис танага кучли зарба бериб, Усикни қулатганда рефери буни таъқиқланган зарба деб баҳолади ва Усикка тикланиш учун вақт берди.
Бу зарбани турли йўллар билан талқин қилиш мумкин, чунки кўпинча чегара зонаси бокс шорти камарининг ўртаси бўлиб, зарба ўша жойга йўналтирилган эди. Ҳакам буни белдан пастга зарба деб баҳолади, бироқ Дубоисни очко олиб ташлаш билан жазоламади.
Усикнинг тикланиши учун уч ярим дақиқа вақт кетди, шундан сўнг кураш давом этди. Эпизод дарҳол баҳс-мунозараларга сабаб бўлди.
Икки вазнда собиқ жаҳон чемпиони, шарҳловчилар гуруҳида ишлаган Карл Фремптон шундай деди: “Мен паст зарбани кўрмадим. Менимча, Дюбоа янги чемпион деб эълон қилиниши керак эди."
Олександр Усик, Дениэль Дюбуа, Нокаут, Оғир вазн тоифаси “Замин” янгиликларини “Youtube”да кузатиб боринг
