"Рома" Шомуродовнинг ғалаба голи билан "Атлетик"ни мағлуб этди: "Жаллоросси" мухлисларининг реакцияси

7 март куни Европа Лигаси 1/8 финалининг биринчи учрашувида "Рома" ўз майдонида "Атлетик Бильбао"ни қабул қилди.

Биринчи бўлимда ҳисоб очилмади. Иккинчи тайм бошида меҳмонлар Иняки Уильямснинг голи билан олдинга чиқишди, аммо 56-дақиқада Анхелиньо ҳисобни тенглаштирди.

Энг драматик лаҳза эса 90+3-дақиқада рўй берди! Элдор Шомуродов жамоаси учун ғалаба голини урди ва "Рома"га муҳим устунликни тақдим этди.

Европа Лигаси. 1/8 финал. Биринчи ўйин
"Рома" – "Атлетик Бильбао" – 2:1
Голлар: Анхелиньо (56), Шомуродов (90+3) – Уильямс (50).
Қизил карточка: Алварес, 86 ("Атлетик").

"Рома" мухлисларининг фикрлари:
Hanad Adam: "Табриклайман, Рим! Раньери аъло даражада ишлаяпти!"

Fabio Torre: "Сен ғалабага ишондинг... Олға, Элдор! Шундай давом этинг!"

La Voce Dei Romanisti: "Бундай стадионда ютиш шарт. Иккинчи ўйинда кўришгунча!"

Alessio Passalalpi: "Айнан шундай ўйинларни кутаётган эдик. Зўр иш!"

Элдор Шомуродов Рома Футбол Янгиликлар