Ўзбекистон миллий жамоаси ва "Манчестер Сити" ҳимоячиси Абдуқодир Ҳусанов 21 март куни "Янги Ўзбекистон" боғида ўтган Наврўз тадбирларида иштирок этди. Тадбирдан кейин у президент Шавкат Мирзиёев билан учрашиб, ўз имзоси туширилган "Манчестер Сити" формасини совға қилди.
Ўзбекистон футбол ассоциацияси маълумотига кўра, учрашувда Абдуқодир Ҳусановга унинг отаси Ҳикмат Ҳошимов ҳамроҳлик қилган.
Президент билан учрашув ва "Манчестер Сити"га ўтиш масаласи
Эслатиб ўтамиз, Шавкат Мирзиёев январь ойи охирида Бирлашган Араб Амирликларига амалга оширган сафари чоғида "Манчестер Сити" клуби эгалари ҳисобланган Абу Даби валиаҳд шаҳзодаси Шайх Холид ибн Муҳаммад Ол Наҳаён билан учрашган эди. Ушбу суҳбат давомида президент Абдуқодир Ҳусановнинг "Манчестер Сити" клубига ўтиши ҳақида ҳам гапириб ўтган.
Ҳусановнинг миллий жамоадаги иштироки
Абдуқодир Ҳусанов 20 март куни Қирғизистонга қарши ўйинда иштирок этганди. 25 март куни эса Ўзбекистон миллий жамоаси билан Эронга қарши баҳсда майдонга тушиши кутилмоқда.
Абдуқодир Ҳусановнинг Наврўз байрами доирасида президент билан учрашиб, совға тақдим этиши — Ўзбекистон футболининг халқаро миқёсдаги тараққиёти ва ёш футболчиларга берилаётган эътиборнинг бир ифодаси бўлди. Унинг "Манчестер Сити" клубига ўтиши ва терма жамоадаги фаолияти ўзбекистонлик футбол ишқибозлари учун катта қизиқиш уйғотмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
