“Манчестер Сити” Аргентинада порлаётган 17 ёшли иқтидорни харид қилмоқчи

Европа футболида истеъдод изловчи гранд клублар учун янги исм пайдо бўлди — Франко Мастантуоно. Аргентинанинг “Ривер Плейт” клуби тарбияланувчиси бўлган бу 17 ёшли ҳужумкор ярим ҳимоячига “Манчестер Сити” жиддий қизиқиш билдирмоқда, деб ёзади журналист Мартин Липтон.

Сити” трансферни амалга ошириш учун тайёр
Айнан Манчестер клуби Мастантуононинг шартномасидаги махсус банд — яъни 45 миллион евролик товон пулидан фойдаланишга тайёр турган ягона жамоа сифатида тилга олинмоқда.

Бошқа етакчи клублар ҳам уни кузатиб келаётган бўлса-да, қиммат трансфер нархи уларни анча ўйга солаётгани аниқ. Чунки бу футболчининг “Transfermarkt”даги расмий баҳоси ҳозирча 15 миллион евро атрофида.

Мастантуоно бу мавсумда нима кўрсатди?
Франко Мастантуоно — ҳали 17 ёшда бўлишига қарамай, жорий мавсумда “Ривер Плейт” асосий таркибдаги ўйинларда ишончли ўйин кўрсатмоқда.

Франко Мастантуоно:
- 11 та расмий учрашувда майдонга тушган;
- 3 та гол урган;
- 2 та голли пас билан жамоадошларига ёрдам берган.

Шартнома қачонгача амал қилади?
Мастантуононинг “Ривер Плейт” билан амалдаги шартномаси келаси йил охиригача тузилган. Бу эса “Сити” учун музокарада бир оз тезлик талаб этаётганини кўрсатади.

Сиз нима деб ўйлайсиз — Мастантуоно Англияда муваффақият қозона оладими? “Сити” бу трансферга арзийдиган сармоя киритяптими? «Замин»ни Telegram’да ўқинг!