Флориан Вирц “Реал Мадрид”да ўйнашни хоҳлаяпти: трансфер амалга ошадими?

Ўтган мавсум Германиянинг “Байер” клуби ўз тарихида биринчи марта Бундеслига чемпионлигини қўлга киритди. Жамоанинг ушбу тарихий ютуғида ёш юлдуз Флориан Вирцнинг ҳиссаси жуда катта бўлган эди.

21 ёшли иқтидор эгаси эндиликда ўз фаолиятини янада юқори даражага кўтариш учун ёзги трансферлар вақтида Европанинг йирик гранд клубларидан бирига ўтиш имкониятини кўриб чиқмоқда.

Ҳозирда Вирцга Европанинг бир қатор йирик клублари жиддий қизиқиш билдиряпти. Хусусан, Германия гранди “Бавария”, Англия чемпионати етакчиси “Манчестер Сити” ҳамда Испаниянинг машҳур клуби “Реал Мадрид” футболчи учун курашга тайёр турибди.

Bild нашри тарқатган маълумотларга кўра, Флориан Вирцнинг ўзи ҳам айнан мадридликларнинг сафида ўйнаш истагини билдиряпти. Айниқса, унинг “Байер”даги мураббийи Хаби Алонсо ҳам ёзда “Реал”ни қабул қилиши кутилаётгани бу қарорга таъсир қилмоқда.

Бундан ташқари, Флориан Вирцнинг фикрича, агар у “Реал Мадрид” сафида ҳаракат қилса, Европа Чемпионлар лигаси каби нуфузли турнирларда ғолиб бўлиш эҳтимоли янада ортади. Шу сабабдан ҳам ёш футболчи ўз келажагини айнан Испаниянинг қироллик клубида кўришни афзал билмоқда.

Эслатиб ўтамиз, Вирц ушбу мавсумда ҳам “Байер” таркибида ажойиб ҳаракат қилиб, Европанинг бир нечта йирик клубларини ўзига жалб қилишга эришган. Унинг якуний қарори яқин ойларда маълум бўлиши кутиляпти. «Замин»ни Telegram’да ўқинг!