Бо Никал UFCда илк бор мағлубият аламини тортди

Ҳозирда Америка Қўшма Штатларида аралаш жанг санъати бўйича "UFC on ESPN 67" турнири қизғин тарзда давом этмоқда. Ушбу турнирнинг энг муҳим тўқнашувларидан бири ҳисобланган "co-main event" жанг кечасида мезбон мамлакатнинг ёрқин вакили Бо Никал ҳамда Нидерландиянинг кучли вакилларидан бири Ренье де Риддер ўзаро октагонга кўтарилди.

Биринчи раунддаёқ фаоллиги билан ажралиб турган Риддер рақибидан кўра аниқроқ ва тезкор ҳаракат қилди. Никалга нисбатан жисмоний ва техник жиҳатдан устунлигини кўрсата олган нидерландиялик спортчи иккинчи раундда рақибини техник нокаут билан таслим этди.

Бу мағлубият Бо Никал учун профессионал аралаш жанглар (ММА) фаолиятидаги биринчи мағлубият бўлди. Шу пайтга қадар америкалик жангчи кетма-кет етти маротаба ғалаба қозониб, мухлисларнинг меҳрини қозонишга улгурган эди.

Ренье де Риддер учун эса бу ғалаба унинг ММА оламидаги мавқеини янада мустаҳкамлашга хизмат қилди. Ҳозирча спорт оламидаги кўплаб мутахассислар бу ғалабани унинг келгусидаги катта жанглари учун муҳим босқич сифатида баҳоламоқда. «Замин»ни Telegram’да ўқинг!