Суперкубок финалида катта тўқнашув: “Насаф” совринни ҳимоя қиладими ёки “Андижон” тарих ёзадими?

1 дақиқа ўқиш610
Суперкубок финалида катта тўқнашув: “Насаф” совринни ҳимоя қиладими ёки “Андижон” тарих ёзадими?
Бугун, 27 май куни Тошкентдаги “Бунёдкор” стадиони футболь мухлислари учун яна бир катта тўқнашувга гувоҳ бўлади. Амалдаги мамлакат чемпиони “Насаф” ва Ўзбекистон кубоги соҳиби “Андижон” жамоалари Суперкубок учун тўқнаш келади. Ушбу ўйин фақатгина соврин эмас, балки клублар нуфузи, йилни соврин билан якунлаш ва мухлислар олдида юзи ёруғ бўлиши учун ҳам муҳим аҳамият касб этади.

Сўнгги йилларда мамлакатнинг энг барқарор ва совриндор клубларидан бирига айланган “Насаф” бугун катта мақсад билан майдонга тушади. Қаршиликлар охирги тўрт йилнинг ҳар бирида Суперкубок финалида қатнашиб, ушбу мусобақанинг мутлоқ доимий иштирокчисига айланди. Илк марта чемпион сифатида Суперкубокда иштирок этаётган "Насаф" футболчилари Бердиев бошчилигида қаторасига учинчи бор Суперкубокни ютиш учун майдонда борини беришади.

Қарши клуби ушбу совринни олдинги йилларда 3 бор қўлга киритган ва бу борадаги мамлакатдаги энг муваффақиятли клублардан бири ҳисобланади. Бугунги ўйинда ғалаба қозониш орқали “Насаф” ўз коллекциясига тўртинчи Суперкубокни қўшиш имкониятига эга.

Иккинчи томонда эса — катта иштиёқ билан тўлиб-тошган “Андижон”. Водий жамоаси ўтган мавсум мамлакат кубогини ютган ҳолда ўз тарихида илк бор катта совринни ютиб, ўз номи билан футбол тарихида из қолдирди. Бугунги Суперкубок — жамоа учун тарихий синовнинг навбатдаги босқичидир.

Бу беллашув, шунингдек, “Андижон”нинг янги бош мураббийи Максим Шацких учун ҳам шахсий аҳамиятга эга. Ушбу мутахассис сўнгги икки Суперкубок финалида айнан “Насаф”га қарши майдонда мағлубиятга учраган эди. Учинчи уринишда Шацких ўз жамоаси билан чемпионни мағлуб этиб, реванш олиш ва бош мураббий сифатида илк бор катта совринни ютишни ният қилмоқда.

Шунингдек, “Андижон” жорий мавсум чемпионат ва кубокда кутилган натижаларни қайд этолмагани сабабли, Суперкубок жамоа учун мавсумни ижобий якунлашнинг сўнгги имконияти сифатида кўрилаётир.

Бугунги финал 19:30 да старт олади ва тўлиб-тошган трибуналардаги ишқибозлар ва миллионлаб экран ортидаги мухлислар яна бир бор ўз футбол юлдузларини шафқатсиз ва принципиал тўқнашувда шижоат билан кузатади. Қайси жамоа бугунги кеча тарихини ёзади — кутиб қоламиз!
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?