Ўзбекистон дзюдочилари жаҳон чемпиони бўлиш учун курашади

2 дақиқа ўқиш805
Ўзбекистон дзюдочилари жаҳон чемпиони бўлиш учун курашади
Эртага, 2025 йил 13 июнь куни Венгрия пойтахти Будапешт шаҳрида дзюдо бўйича катталар ўртасидаги йилнинг энг нуфузли мусобақаси — Жаҳон чемпионатига старт берилади. Мазкур беллашув нафақат медаллар, балки халқаро рейтингда юқори ўринлар учун муҳим аҳамият касб этади.

Жаҳон биринчилигида жами 93 давлатдан 556 нафар спортчи — 294 нафар эркак ва 262 нафар аёл дзюдочилар иштирок этади. Улар орасида тўлиқ таркибдаги Ўзбекистон миллий терма жамоаси ҳам бор. Мамлакатимиз шарафини қориш учун эл юртимизнинг энг иқтидорли ва тажрибали дзюдочилари тайёр ҳолда Будапештга етиб боришди.

Жаҳон чемпионати олдидан қуръа ташлаш маросими ўтказилиб, терма жамоамиз аъзолари илк босқичдаги рақиблари билан танишишди. Қуйида Ўзбекистон спортчилари тушган қуръа натижаларини кўриб чиқишингиз мумкин.

Эркаклар баҳслари:
• -60 кг вазн тоифасида Баҳром Ботуров илк даврада Мўғулистонлик Ариунболд Энҳтайван ёки Германиялик Максимилян Ҳейдерга қарши гиламга чиқади.
• -66 кг: Замоҳшари Бекмуродов — Ҳеким Агамаммедов (Туркманистон).
• -66 кг: Азизбек Ортиқов — Ербол Абасбеков (Қирғизистон).
• -73 кг: Шаҳрам Аҳадов — Лавжаргал Анҳзая (Мўғулистон) ёки Арон Жабо (Венгрия).
• -81 кг: Арслонбек Тожиев — Антонио Эспозито (Италия).
• -90 кг: Нурбек Муртозоев — Реми Феуиллет (Маврикий).
• -90 кг: Шаҳзодхўжа Шарипов — Корнелиус Эйтерцен (Норвегия).
• +100 кг: Алишер Юсупов — Мбангник Ндиае (Сенегал).
• +100 кг: Музаффарбек Тўрабоев — Юр Спейкерс (Нидерландия).

Аёллар баҳслари:
• -48 кг: Ҳалимажон Қурбонова — Вонг Ка Ли (Гонконг) ёки Лоис Петит (Белгия).
• -48 кг: Лазиза Ҳайдарова — Ширин Букли (Франция).
• -52 кг: Сўғдиёна Рафкатова — Татум Кин (Буюк Британия).
• -52 кг: Муҳайё Аҳматова — Илай Ҳаюн (Исроил).
• -57 кг: Шукуржон Аминова — Марта Фаваз (Франция).
• -63 кг: Маржона Нуруллоева — Сабина Герчак (Венгрия).
• -70 кг: Хуршида Раззоқбердиева — Лиао Ю-Жунг (Хитой Тайпейи).
• -78 кг: Маржона Кўчимова — Лианет Кардона (Куба).
• +78 кг: Ирисхон Қурбонбоева — Эрика Симонетти (Италия).

Ўзбекистон дзюдо федерациясининг маълум қилишича, терма жамоамиз аъзолари чемпионатга жиддий тайёргарлик кўриб келишган ва ҳар бир спортчи ўз вазнида юқори натижаларга эришишни мақсад қилган. Умид қиламизки, жаҳон чемпиони унвонини қўлга киритувчи спортчиларимиз сони кўпайиб, юртимиз байроғи халқаро мусобақада яна баланд кўтарилади.

Федерация дзюдочиларимизга муваффақият ва омад тилаган ҳолда, мухлисларни терма жамоани қўллаб-қувватлашга чорламоқда. Беллашувлар 13 июндан бошлаб тўлиқ жадвал бўйича жонли эфирда намойиш этилади.

Ўзбекистон спорти яна бир масъулиятли ва синовли мусобақа остонасида турибди. Дзюдо жамоамизга ғалаба ва янги тарих яратишни тилаймиз!
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?