Александер Исак "Нюкасл"да қолиш ёки янги клубга ўтиш ҳақида ўйламоқда. Футболчи раҳбариятга бошқа жамоалар таклифини кўриб чиқмоқчи эканини билдирган. "Ливерпул" Исакни ўзида кўришни хоҳлаяпти.
Юго Экитике трансферига қарамай, "қизиллар" Исак бўйича музокараларни давом эттиряпти. Манбаларга кўра, Исак "Ливерпул"дан таклиф олса, розилик билдиради. Шартнома шартлари борасида келишув йўқлиги айтилган.
Футболчининг агентлари билан музокаралар Экитике битимидан олдин бошланган. "Ливерпул" Исак учун Англия футболи тарихидаги рекорд тўловга тайёр эканини билдирган. "Нюкасл" эса футболчини жамоада сақлаш учун янги шартнома таклиф қилмоқда.
Асосий муаммо — Исакнинг юқори маош талаби. Исак бу мавсумда АПЛда энг самарали ҳужумчилардан бири бўлди. Унинг ўйини Европа клубларининг эътиборида.
«Замин»ни Telegram’да ўқинг!
