“Фенербахче” жамоаси машҳур мураббий Жозе Моуриньо раҳбарлигида Чемпионлар лигаси плей-офф босқичидан ўтишга ҳаракат қилди, аммо “Бенфика” билан кечган икки учрашув натижаларида имкониятни бой берди.
Икки баҳснинг тақдири туркиялик футболчи Актуркўғлининг 35-дақиқада киритган ягона голи билан ҳал бўлди. Биринчи учрашув 0:0 ҳисобида якунланган бўлса, жавоб беллашувида “Бенфика” 1:0 ҳисобида ғалаба қозонди ва гуруҳ босқичига йўлланмани қўлга киритди.
Португалиялик мураббий Моуриньо сўнгги икки мавсумда жамоаси билан саккизта саралаш баҳсини ўтказди. 2024 йилда “Фенербахче” дастлаб “Лугано”ни икки марта (4:3, 2:1) мағлуб этган, аммо кейинчалик “Лилль”га (1:2, 1:1) имкониятни бой берганди.
Жорий мавсумда эса туркияликлар аввал “Фейеноорд”га биринчи ўйинда 1:2 ҳисобида мағлуб бўлса-да, жавоб баҳсида 5:2 ҳисобида йирик ғалаба қозонди. Аммо кейинги босқичда “Бенфика”га қарши имкониятсиз қолди ва Чемпионлар лигаси орзусини амалга ошира олмади.
Шуни ҳам эслатиб ўтиш жоизки, Жозе Моуриньо охирги марта 2020 йилда Чемпионлар лигасида иштирок этганди. Ўшанда у “Тоттенхэм”ни бошқариб, жамоа 1/8 финалда мусобақани тарк этган.
Чемпионлар лигаси. Сўнгги саралаш босқичи
“Бенфика” — “Фенербахче” 1:0
27 август, “Эштадиу да Луш” стадиони
Гол: Актуркўғли (35).
Бенфика: Трубин, Дедич, Силва, Отаменди, Дал, Барренечеа, Риос, Эурснес, Баррейро, Актуркўғли, Павлидис.
Фенербахче: Ливакович, Мюлдюр, Шкриняр, Остерволде, Амрабат, Фред, Семеду, Браун, Шимански, Талеска, Несири.
Огоҳлантиришлар: Амрабат (30), Лаже (64), Баррейро (69), Талиска (79), Силва (85), Сеюнджю (87).
Муттахассислар фикрича, “Фенербахче” учун Европа Лигаси ҳам катта имкониятлар тақдим этади. Мухлислар эса Моуриньонинг Европа саҳнасида қандай натижалар кўрсатишини катта қизиқиш билан кутмоқда.
«Замин»ни Telegram’да ўқинг!
