date

CAFA мусобақасига йирик старт: Ўзбекистон бугун майдонга тушади

CAFA мусобақасига йирик старт: Ўзбекистон бугун майдонга тушади

Бугун юртимизда Марказий Осиё футболининг энг нуфузли мусобақаларидан бири — CAFA Nations Cup-2025 расман бошланмоқда. Барча юқори кайфиятда, стадионларда мухлислар интиқлик билан кутган баҳсларга тайёргарлик кўрилмоқда.

Куннинг илк учрашуви Тошкентдаги “Жар” майдонида бўлиб ўтади. Унда Қирғиз Республикаси терма жамоаси Туркманистон билан тўқнаш келади. Қизиқарли баҳс соат 17:00 да старт олади. Ҳар икки жамоа ҳам турнирни ғалаба билан бошлаш ниятида, шунинг учун кураш шиддатли кечиши кутилмоқда.

Кечги дастурда эса барчанинг диққати янги қурилган “Олимпия” аренасига қаратилади. Ўзбекистон миллий терма жамоаси соат 19:30 да майдонга чиқиб, Ўмон термасига қарши баҳс олиб боради. Бу ўйин мамлакатимиз мухлислари учун алоҳида аҳамиятга эга, чунки терма жамоамиз мусобақани юқори руҳда бошлашни мақсад қилган.

Муттахассислар таъкидлашича, CAFA турнири нафақат минтақавий куч синови, балки келгуси Осиё кубоги ва Жаҳон чемпионати йўлидаги муҳим босқич сифатида ҳам катта аҳамиятга эга бўлади. Мухлислар эса бугунги баҳсларда терма жамоалар қандай ўйин намойиш этишини катта қизиқиш билан кутмоқда.

Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Спорт » CAFA мусобақасига йирик старт: Ўзбекистон бугун майдонга тушади